নিলাম হ’ব গান্ধীজীৰ চশমা

ব্ৰিটেইনত নিলাম হ’ব  মহামানৱ মহাত্মা গান্ধীৰ চশমা ৷ উত্তৰ-পশ্চিম ব্ৰিটেইনৰ হানহাম চহৰৰ পূৱ ব্ৰিষ্টাল নিলাম কেন্দ্ৰলৈ অনা হৈছে চশমাযোৰ ৷ চশমাযোৰৰ লগতে নিলাম কেন্দ্ৰটোৱে সাজু কৰিছে বাপুজীৰ এক দীঘলীয়া ইতিহাস ৷ ইংলেণ্ডৰ এগৰাকী অজ্ঞাত পৰিচয়ধাৰী ব্যক্তিয়ে নিলাম কেন্দ্ৰটোক গটাইছিল গান্ধীজীৰ চশমাযোৰ ৷ ব্যক্তিজনে কৰ্তৃপক্ষক জনাইছিল যে তেওঁৰ ককাকে ব্ৰিটীছ পেট্ৰ’লিয়ামৰ হৈ চাকৰি কৰা দিনতে কোনোবা এটা সময়ত গান্ধীজীয়ে চশমাযোৰ উপহাৰ হিচাপে আগবঢ়াইছিল তেওঁক ৷ বাপুজীৰ সোণ-পানী চৰোৱা চশমাযোৰৰ মূল্য কমেও ১০-১৫ হাজাৰ পাউণ্ড অৰ্থাৎ ভাৰতীয় মুদ্ৰা অনুসৰি ১০-১৫ লাখ টকা হ’ব বুলি ধাৰণা কৰা হৈছে৷ উত্তৰাধিকাৰ সুত্ৰে লাভ কৰা ইতিহাস সম্বলিত সামগ্ৰীবিধ সঠিক ঠাইত প্ৰেৰণৰ বাবে নিলাম কেন্দ্ৰটোত গটাই দিয়ে ব্যক্তিগৰাকীয়ে।