পশ্চিম কাৰ্বি আংলঙত অব্যাহত চোৰাং কাঠৰ বেহা

চোৰাং কাঠৰ বেহা অব্যাহত আছে অসম-মেঘালয় সীমান্তৰ পশ্চিম কাৰ্বি আংলঙত। পশ্চিম কাৰ্বি আংলঙৰ খেৰণি বনাঞ্চলিক কাৰ্যালয়ৰ অন্তৰ্গত জেৰিকীন্দেঙৰ ইংহীন-লাংছ’ নামৰ ঠাইত  চোৰাং ভাৱে ফালি মজুত কৰি ৰখা কাঠ জব্দ কৰে খেৰণি বন কৰ্মীয়ে। কাৰ্বি আংলঙৰ পৰা মেঘালয়লৈ চোৰাং ব্যৱসায়ীয়ে কাঠখিনি সৰবৰাহ কৰাৰ উদ্দেশ্যে মজুত কৰি ৰাখিছিল ৷ ইফালে বন কৰ্মীৰ এই অভিযানত চোৰাং কাঠৰ অবৈধ কাৰ্যৰ সৈতে জড়িত কোনো এজন ব্যক্তিকে কৰায়ত্ত কৰিব সক্ষম নহল ৷বনকৰ্মী উক্ত স্থান পোৱাৰ পূৰ্বেই কাঠ চোৰে পলায়ন কৰে ৷ আনহাতে ঘটনাস্থলীৰ পৰা এম এল ০৪ বি-৮৪৯৪ নম্বৰৰ এখন মটৰ চাইকেল (ডিছকভাৰ) জব্দ কৰাৰ লগতে কাঠ ফলা যন্ত্ৰচালিত এখন কৰত জব্দ কৰিবলৈ সক্ষম হয় ৷ এনেদৰে প্ৰতিদিনে চোৰাং কাঠৰ বেহা আৰু বন ধ্বংস যজ্ঞ অব্যাহত আছে অসম-মেঘালয় সীমান্তৰ পশ্চিম কাৰ্বি আংলঙৰ এই অঞ্চলসমূহত।