Iran Fires Hundreds of Missiles At Israel : ইজৰাইলত বেলেষ্টিক মিছাইলেৰে আক্ৰমণ ইৰানৰ;২০০ বেলেষ্টিক মিছাইলেৰে নিক্ষেপ ইৰাণৰ
ইণ্টাৰনেশ্যনেল ডেস্ক,২অক্টোবৰ : ইজৰাইলত বেলেষ্টিক মিছাইলেৰে আক্ৰমণ ইৰানৰ । ইজৰাইলৰ ওপৰত প্ৰায় ২০০ বেলেষ্টিক মিছাইলেৰে নিক্ষেপ ইৰাণৰ। ইৰাণৰ কেইবাখনো চহৰ যেনে ইছফাহান, তাব্ৰিজ, খোৰামাবাদ, আৰক আৰু কাৰাজৰ পৰা এই ক্ষেপণাস্ত্ৰ নিক্ষেপ কৰা হৈছে(Iran Fires Hundreds of Missiles At Israel)।
মঙলবাৰে আমেৰিকাই সকীয়াই দিছিল যে ইৰাণে ইজৰাইলৰ বিৰুদ্ধে প্ৰতিশোধ ল’বলৈ যিকোনো মুহূৰ্ততে ক্ষেপণাস্ত্ৰ আক্ৰমণ চলাব পাৰে। আমেৰিকাই লগতে সকীয়াই দিছে যে ইৰাণে ক্ষেপণাস্ত্ৰ আক্ৰমণ চলালে যথেষ্ট মূল্য দিব লাগিব।
তেহৰাণ টাইমছৰ তথ্য অনুসৰি ইৰাণৰ উচ্চতম ৰাষ্ট্ৰীয় নিৰাপত্তা পৰিষদে এই ক্ষেপণাস্ত্ৰ আক্ৰমণৰ সিদ্ধান্ত লয়। ইৰাণৰ ক্ষেপণাস্ত্ৰ নিক্ষেপ কৰাৰ খবৰ ইজৰাইলৰ সেনাইও নিশ্চিত কৰিছে। ইতিমধ্যে ইজৰাইলৰ বাসিন্দাসকলে প্ৰাণৰ মমতাত গোপন স্থানত আশ্ৰয় লৈছে(Middle East conflict intensifies as Iran fires nearly 200 missiles on Israel)।
খবৰ অনুসৰি ইজৰাইলত বাংকাৰত আশ্ৰয় লৈ আছে হাজাৰ হাজাৰ লোকে। আক্ৰমণৰ পাছতে সমগ্ৰ ইজৰাইলত বাজি উঠিছে এলাৰ্ম। ইজৰাইলত থকা ভাৰতীয় লোকক সুৰক্ষিত স্থানলৈ যোৱাৰ পৰামৰ্শ দিয়া হৈছে। ইজৰালস্থিত ভাৰতীয় দূতাবাসে মুকলি কৰিছে দুটাকৈ হেল্পলাইন নম্বৰ। হেল্পলাইন নম্বৰ দুটা +972-547520711, +972-543278392।
লগতে পঢ়ক :Thief terro in Bajali : বজালীত চোৰৰ উপদ্ৰৱ;বেংক কৰ্মচাৰীৰ ঘৰত চোৰে চলালে লুটপাত