নিউজ ডেস্ক,১৭ডিচেম্বৰ : জৰ্জিয়াৰ গুদৌৰীত ১১ জন ভাৰতীয় নাগৰিকৰ মৃত্যুত সোমবাৰে জৰ্জিয়াত থকা ভাৰতীয় দূতাবাসে শোকসন্তপ্ত পৰিয়াললৈ গভীৰ সমবেদনা জ্ঞাপন কৰে(Indian Embassy confirms death of 11 nationals in Georgia)।
এক্সত প্ৰকাশ কৰা এক প্ৰেছ বিজ্ঞপ্তিযোগে জৰ্জিয়াত থকা ভাৰতীয় দূতাবাসে লিখিছে, “জৰ্জিয়াৰ গুদৌৰীত ১১ জন ভাৰতীয় নাগৰিকৰ দুৰ্ভাগ্যজনক মৃত্যুৰ খবৰ লাভ কৰা হৈছে ৷ টিবিলিছিস্থিত ভাৰতীয় দূতাবাসে এই ঘটনাত দুখ প্ৰকাশ কৰিছে আৰু তেওঁলোকৰ পৰিয়াললৈ গভীৰ সমবেদনা জ্ঞাপন কৰিছে।”
প্ৰেছ বিজ্ঞপ্তিটোত আৰু কোৱা হৈছে, ‘‘দূতাবাসে স্থানীয় কৰ্তৃপক্ষৰ সৈতে ঘনিষ্ঠভাৱে কাম কৰি মৃতদেহসমূহ ভাৰতলৈ শীঘ্ৰে ঘূৰাই পঠোৱাৰ ব্যৱস্থা কৰি আছে । আমি শোকসন্তপ্ত পৰিয়ালসমূহৰ সৈতেও যোগাযোগত আছো আৰু সকলো ধৰণৰ সহায় আগবঢ়াবলৈ প্ৰতিশ্ৰুতিবদ্ধ ।”
উল্লেখযোগ্য যে, যোৱা ১৪ ডিচেম্বৰত জৰ্জিয়াৰ আভ্যন্তৰীণ পৰিক্ৰমা মন্ত্ৰালয়ে এক বিবৃতিত কয়, “আভ্যন্তৰীণ পৰিক্ৰমা মন্ত্ৰালয়ৰ ম্ট্ছখেটা-মটিয়ানেটি আৰক্ষী বিভাগৰ কৰ্মচাৰীসকলে, গুদৌৰীত সংঘটিত হোৱা দুৰ্ঘটনাৰ সৈতে জড়িত, যাৰ ফলত ১২ জন লোকৰ মৃত্যু হৈছিল, জৰ্জিয়াৰ ফৌজদাৰী সংহিতাৰ ১১৬ নং অনুচ্ছেদৰ অধীনত তদন্ত আৰম্ভ কৰিছিল, যিয়ে এই ঘটনাক নৃশংস হত্যাৰ ইংগিত দিয়ে ।”
“গুদৌৰীত অৱস্থিত ভাৰতীয় ৰেষ্টুৰেণ্টখনৰ দ্বিতীয় মহলাৰ জিৰণিৰ স্থানত একেটা বিভাগতে নিয়োজিত ১২ জন লোকৰ মৃতদেহ উদ্ধাৰ কৰা হৈছে । প্ৰাৰম্ভিক পৰিদৰ্শনত শৰীৰত আঘাত পোৱাৰ কোনো চিন বা হিংসাৰ লক্ষণ ধৰা পৰা নাছিল ৷ তদন্তৰ প্ৰাৰম্ভিক তথ্য অনুসৰি, এটা পাৱাৰ জেনেৰেটৰ শোৱনী কোঠাৰ ওচৰতে ৰখা হৈছিল, সম্ভৱতঃ বিদ্যুৎ যোগান বন্ধ হোৱাৰ পিছত সেইটো কালি সক্ৰিয় কৰা হৈছিল ৷’’ বিবৃতিটোত লগতে কোৱা হৈছে ।
বিবৃতিটোত আৰু কোৱা হৈছে যে মৃত্যু হোৱা ১২ জন ব্যক্তিৰ ভিতৰত ১১ জন বিদেশৰ নাগৰিক আৰু এজন জৰ্জিয়াৰ নাগৰিক।
“এই সন্দৰ্ভত সক্ৰিয়ভাৱে তদন্তমূলক ব্যৱস্থা গ্ৰহণ কৰা হৈছে, ফৰেনছিক-বিশেষজ্ঞসকলে কাম কৰি আছে, গোচৰৰ সৈতে জড়িত ব্যক্তিৰ ভাষ্য গ্ৰহণ কৰা হৈছে । উপযুক্ত পৰীক্ষা কৰা হৈছে । মৃত্যুৰ সঠিক কাৰণ নিৰ্ণয় কৰিবলৈ ফৰেনছিক মেডিকেল পৰীক্ষাও নিযুক্তি দিয়া হৈছে ।’’ জৰ্জিয়াৰ আভ্যন্তৰীণ পৰিক্ৰমা মন্ত্ৰালয়ে এইদৰে কয় ।
ইয়াৰ পূৰ্বে ১৪ ডিচেম্বৰত জৰ্জিয়াত থকা ভাৰতীয় দূতাবাসে এক্সত এটা পোষ্টত লিখিছিল, ‘‘জৰ্জিয়াৰ গুদৌৰীত ১১ জন ভাৰতীয় নাগৰিকৰ মৃত্যুৰ বিষয়ে মিছনে মাত্ৰ জানিব পাৰিছে । শোকসন্তপ্ত পৰিয়াললৈ গভীৰ শোক প্ৰকাশ কৰিছোঁ । মিছনে স্থানীয় কৰ্তৃপক্ষৰ সৈতে যোগাযোগ কৰি আছে যাতে, জীৱন হেৰুৱাই পেলোৱা ভাৰতীয় নাগৰিকসকলৰ সবিশেষ লাভ কৰে ।’’
লগতে পঢ়ক :Unidentified Body Found in Jamugurihat: ৰঙাপৰাত অচিনাক্ত মৃতদেহ উদ্ধাৰ