নিউজ ডেস্ক, ২৯ মে’- নগাঁও শালকাটি গাঁৱত জঘন্য হত্যাকাণ্ড। নিজ ভাতৃক ডেগাৰেৰে হানি খুচি হত্যা ।
নগাঁও জিলাৰ ধিং থানাৰ অন্তৰ্ভুক্ত আহোমগাঁও আৰক্ষী পহৰা চকীৰ অন্তৰ্গত শালকাটি গাঁৱত সংঘটিত হৈছে এই জঘন্য হত্যাকাণ্ড।
Related Posts
জানিব পৰা মতে, ইচাহাক আলীৰ পুত্ৰ ইদ্ৰিছ আলী আৰু মোবাৰক হুছেইনৰ মাজত প্ৰথমে সম্পত্তিৰ ভাগ লৈ কাজিয়াৰ সূষ্টি হয় আৰু পিছলৈ এই কাজিয়াই তীব্ৰ ৰূপ ধাৰণ কৰে।
ইদ্ৰিছ আলীয়ে নিজ ভাতৃ মোবাৰক হুছেইনক ডেগাৰেৰে উৰ্পযুপৰি আক্ৰমণ কৰাত ঘটনাস্থলীতে মোবাৰকৰ মূত্যু হয়।
ধিং থানাৰ আৰক্ষীয়ে খবৰ পাই ঘটনাস্থলীত উপস্থিত হৈ ঘটনা সংক্ৰান্তত তদন্ত আৰম্ভ কৰিছে। লগতে মোবাৰকৰ মৃতদেহ মৰণোত্তৰ পৰীক্ষাৰ বাবে পঠাই দিয়ে।
সম্প্ৰতি আক্ৰমণকাৰী ইদ্ৰিচ আলিক ধিং আৰক্ষীয়ে গ্ৰেপ্তাৰ কৰিছে।