নিউজ ডেস্ক, ২ জুন: গুজৰাটত কংগ্ৰেছৰ প্ৰাক্তন কাৰ্যকৰী সভাপতি হাৰ্দিক পেটেলে গুজৰাট বিজেপিৰ ৰাজ্যিক সভাপতি চি আৰ পাতিল আৰু প্ৰাক্তন উপ মুখ্যমন্ত্ৰী নীতিন পেটেলৰ উপস্থিতিত বিজেপিত যোগদান কৰে।
গেৰুৱা দলত যোগদান কৰাৰ পূৰ্বে পেটেলে টুইট কৰি কয়, “মই আজি ৰাষ্ট্ৰীয় স্বাৰ্থ, ৰাজ্যিক স্বাৰ্থ, জনস্বাৰ্থ আৰু সামাজিক স্বাৰ্থৰ অনুভূতিৰে এটা নতুন অধ্যায় আৰম্ভ কৰিম। ভাৰতৰ সফল প্ৰধানমন্ত্ৰী শ্ৰী নৰেন্দ্ৰ ভাই মোদীৰ নেতৃত্বত দেশৰ সেৱাৰ মহৎ কামত মই এজন ক্ষুদ্ৰ সৈনিক হিচাপে কাম কৰিম।”
Related Posts
হাৰ্দিক পেটেলে যোৱা মাহত কংগ্ৰেছৰ ৰাজ্যিক কাৰ্যকৰী সভাপতিৰ পদৰ পৰা পদত্যাগ কৰিছিল।
গুজৰাট পাতিদাৰ নেতাজনৰ এই পদক্ষেপে এই বছৰৰ শেষৰ ফালে হ’বলগীয়া ৰাজ্যিক বিধানসভা নিৰ্বাচনত কি প্ৰভাৱ পেলাব সেয়া লক্ষণীয় হব।