গোলাঘাটৰ চাৰিপুৰীয়া ৰাজহুৱা শ্মশানৰ চাৰিবেৰৰ পকী দেৱাল নিৰ্মাণৰ নামত চলিছে দুৰ্নীতি। পঞ্চায়ত প্ৰতিনিধিয়ে ব্যাপক অনিয়ম আৰু নিম্নমানৰ সামগ্ৰী ব্যৱহাৰ কৰি ধন আত্মসাৎ কৰাৰ অভিযোগ উত্থাপন স্থানীয় ৰাইজৰ । চতুৰ্দশ বিত্তীয় আয়োগৰ অধীনত গোলাঘাটৰ চাৰিপুৰীয়া ৰাজহুৱা শ্মশান পকী দেৱাল নিৰ্মাণৰ বাবে আৱন্টন হৈছিল ধন । ৭,৩৭,৫০০.০০ টকা আৱন্টন লাভ কৰাৰ পিছত পকী দেৱাল নিৰ্মাণৰ কাম আৰম্ভ কৰিছিল ঠিকাদাৰে । আৰ্হি অনুসৰি নিৰ্মাণ নকৰাৰ লগতে অতি নিম্ন মানদণ্ডৰ সামগ্ৰী ব্যৱহাৰ কৰাৰ অভিযোগ উথাপন কৰিছে ৰাইজে । স্থানীয় ৰাইজে সভা অনুষ্ঠিত কৰি নিৰ্মাণ সমিতিৰ সভাপতিক কেইবাবাৰো অভিযোগ দিছে যদিও সভাপতিয়ে কোনো গুৰুত্ব নিদিয়াৰ অভিযোগ উত্থাপন স্থানীয় ৰাইজৰ । অতি শীঘ্ৰে নিৰ্মাণ কৰা দেৱাল খন ভাঙি নতুনকৈ উন্নত মানদণ্ডৰ সামগ্ৰীৰে নিৰ্মাণ কৰাৰ দাবী জনাইছে স্থানীয় ৰাইজে ।
Next Post