বুধবাৰে সন্ধিয়া ডিব্ৰুগড়ৰ অসম চিকিৎসা মহাবিদ্যালয় আৰু চিকিৎসালয়ৰ (AMCH) পেডিয়াট্ৰিক ৱাৰ্ডৰ এক ইনচেণ্টিভ কেয়াৰ ইউনিটত (ICU) সূত্ৰপাত হয় অগ্নিকাণ্ডৰ ।
চিকিৎসালয় কৰ্তৃপক্ষই কৈছিল যে ঘটনাটো সন্ধিয়া প্ৰায় ৬:৩০ বজাত সংঘটিত হৈছিল যেতিয়া এটা ভেণ্টিলেটৰ গোটত শ্বৰ্ট চাৰ্কিটৰ ফলত জুই লাগিছিল।
AMCH ৰ অধীক্ষক প্ৰশান্ত দিহিঙিয়াই কৈছিল যে শিশু ৰোগ ৰক্ষী ৱাৰ্ডৰ ভেণ্টিলেটৰৰ মনিটৰত জুই লাগিছিল যিটো কোঠাটোত ৰখা অগ্নি নিৰ্বাপকৰ সহায়ত কৰ্মচাৰীসকলে লগে লগে নিয়ন্ত্ৰণ কৰিছিল।
“ৱাৰ্ডখনত ১২ টা শিশু আছিল, যাৰ বয়স ছয় মাহৰ পৰা ১০ বছৰৰ ভিতৰত আছিল। কোনো লোক আঘাতপ্ৰাপ্ত হোৱা নাই,” দিহিঙিয়াই লগতে কয়। সতৰ্কতামূলক ব্যৱস্থা হিচাপে, চিকিৎসালয়খনে ঘটনাটোৰ পিছত সকলো ৰোগীক চৌহদৰ আন এটা শিশু ৰোগী ৱাৰ্ডলৈ স্থানান্তৰিত কৰে । অগ্নিকাণ্ডৰ কাৰণ সম্পৰ্কে তেওঁ কয় যে ভেণ্টিলেটৰৰ কোনো সমস্যা নে ৱাৰ্ডত বিদ্যুৎ সংযোগত সমস্যা আছে সেয়া তাৎক্ষণিকভাৱে জনা নাযায়। অগ্নি নিৰ্বাপক আৰু শক্তি বিভাগৰ কৰ্মচাৰীসকল উপস্থিত হৈছে আৰু ঘটনাটোৰ তদন্ত চলাই আছে।