আত্মহত্যাৰ পূৰ্বে কৰা ১৫ মিনিটৰ এটা চাঞ্চল্যকৰ ভিডিঅ’ ৷ লগতে আত্মহত্যাৰ টোকাই উত্তেজনা সৃষ্টি কৰিছে তিনচুকীয়াৰ কাকপথাৰত ৷ মহিলা গৰাকীৰ নাম কৰবী মৰাণ ৷ ঘৰ তিনিচুকীয়াৰ ডুমডুমা আৰক্ষী থানাৰ অন্তৰ্গত ৰঙাজানত ৷ মহিলাগৰাকীয়ে কাকপথাৰ ডিৰাক বন গাঁৱৰ পচন্দ চেতিয়া, তেখেকৰ ভাতৃ সৰুফু চেতিয়া আৰু পচন্দ চেতিয়াৰ পত্নীৰ বাবেই আত্মহত্যা কৰিবলৈ বাধ্য হোৱা বুলি আত্মহত্যা টোকা, ভিডিঅ’ত উল্লেখ কৰি গৈছে ৷
নগধ দহ হাজাৰ টকা আৰু অন্যবহু টকা প্ৰেমিক পচন্দ চেতিয়াই লৈ ঘূৰাই নিদিয়াৰ লগতে টকা বিচাৰিলে প্ৰেমিক, পত্নী, ভাতৃয়ে অত্যাচাৰ কৰাৰ কথা আত্মহত্যা টোকা, ভিডিঅ’ত উল্লেখ কৰিছে ৷ বহু টেবলেট, বাগানত দিয়া দৰৱ সেৱন কৰি এইদৰে পৰকীয়া প্ৰেমীকসহ পৰিয়ালৰ বিৰুদ্ধে আত্মহত্যা কৰিবলৈ বাধ্য হোৱা মহিলাগৰাগীয়ে কৰা অভিযোগ কিমান সত্য সেইয়া আৰক্ষীৰ তদন্তত হে স্পষ্ট হ’ব ৷
মহিলাগৰাকীয়ে আত্মহত্যা কৰাৰ পিছতেই ডুমডুমা আৰক্ষীৰ তৎপৰতাত মৰণোত্তৰ পৰীক্ষা কৰি তিনিচুকীয়াতে শেষ সৎকাৰ কৰে ৷ মহিলাগৰাকীৰ স্বামী দিগন্ত মৰাণে ডুমডুমা আৰক্ষীক পত্নী আত্মহত্যা কৰাৰ ঘটনাত জড়িত ব্যক্তিৰ বিৰুদ্ধে এজাহাৰ দাখিল কৰিব বুলি জানিবলৈ দিয়ে ৷ এটি পুত্ৰ সন্তানৰ মাতৃ আছিল কৰবী মৰাণ