নিউজ ডেস্ক,২৭নৱেম্বৰ : বিলাসীপাৰাত গুলীচালনাৰ ঘটনা।এখন মটৰ চাইকেলত অহা তিনিজনকৈ যুৱকে সংঘটিত কৰে গুলীচালনা।
পিষ্টলেৰে গুলীচালনা কৰাৰ ফলত গুলীবিদ্ধ হয় দুজনকৈ যুৱক। ইয়াৰে ভিতৰত এজন SBIৰ CSPৰ স্বত্বাধিকাৰী আৰু আনজন পোষ্ট অফিচৰ কালেক্টৰ। ৰাণীগঞ্জ অঞ্চলৰ SBIৰ CSP কেন্দ্ৰত দুই যুৱক বহি থকা অৱস্থাতেই মটৰ চাইকেলত অহা তিনি যুৱকৰ ভিতৰত দুজন যুৱকে শূন্য দূৰত্বৰ পৰা কেইবা ৰাউণ্ড গুলীচালনা কৰে(Daylight shooting in Bilasipara)।
SBIৰ CSPৰ স্বত্বাধিকাৰী অবাইদুৰ ৰহমান প্ৰধানীৰ পেট আৰু ভৰিত গুলী লগাৰ বিপৰীতে পোষ্ট অফিচৰ কালেক্টৰ ৰতন ৰায় বুকুত গুলীবিদ্ধ হয়। লগে লগে হুৱাদুৱাময় পৰিস্থিতিৰ সৃষ্টি হয় অঞ্চলটোত। গুলীচালনা কৰিয়েই তিনি যুৱকে ঘটনাস্থলীৰ পৰা পলায়ন কৰে। হেলমেট পৰিহিত আছিল অস্ত্ৰধাৰী তিনি যুৱক। লগে লগে এম্বুলেন্সৰ জৰিয়তে গুলীবিদ্ধ দুই যুৱকক কোকৰাঝাৰ চিকিৎসালয়লৈ নিয়া হয় যদিও উন্নত চিকিৎসাৰ বাবে দুয়োকে বঙাইগাঁৱলৈ প্ৰেৰণ কৰা হৈছে বুলি জানিব পৰা গৈছে।
লগতে পঢ়ক :Assam man goes missing in Manipur:মণিপুৰত নিৰুদ্দেশ অসমৰ এজন ব্যক্তি