নিউজ ডেস্ক,৭জানুৱাৰী : কানাডাৰ প্ৰধানমন্ত্ৰী জাষ্টিন ট্ৰুডোৱেৰ পদত্যাগ । প্ৰধানমন্ত্ৰী পদৰ সমান্তৰালকৈ তেওঁ লিবাৰেল পাৰ্টিৰ নেতা পদো ত্যাগ কৰিছে ।ট্ৰুডোৰ পদত্যাগৰ পিছতে কানাডাত বৃদ্ধি পাইছে ৰাজনৈতিক অস্থিৰতা। অৱশ্যে শাসকীয় লিবাৰেল পাৰ্টিৰ পৰৱৰ্তী নেতা নিৰ্বাচিত নোহোৱালৈকে ট্ৰুডো ভাৰপ্ৰাপ্ত প্ৰধানমন্ত্ৰী হৈ থাকিব ।
কানাডাত বৰ্তমান নিৰ্বাচন আৰু পৰৱৰ্তী প্ৰধানমন্ত্ৰী নিৰ্বাচনৰ কুচকাৱাজ আৰম্ভ হৈছে (Canada’s Prime Minister Justin Trudeau resigns)।
ইয়াৰ মাজতে সোমবাৰে পুৱা এখন সংবাদমেলত জাষ্টিন ট্ৰুডোৱে পদত্যাগ কৰাৰ কথা ঘোষণা কৰি কয়, “দলটোৱে পৰৱৰ্তী নেতা নিৰ্বাচন কৰাৰ পিছত মই দলৰ নেতা আৰু প্ৰধানমন্ত্ৰী হিচাপে পদত্যাগ কৰাৰ মনস্থ কৰিছো ৷ যোৱা নিশা মই লিবাৰেল পাৰ্টিৰ অধ্যক্ষক সেই প্ৰক্ৰিয়া আৰম্ভ কৰিবলৈ ক’লোঁ ।
ট্ৰুডোৱে কয়, “প্ৰতিটো দিনেই প্ৰধানমন্ত্ৰী হিচাপে কাৰ্যনিৰ্বাহ কৰাটো এক গৌৰৱৰ কথা ।” আমি মহামাৰীৰ সময়ত সেৱা আগবঢ়াইছিলো, শক্তিশালী গণতন্ত্ৰৰ বাবে কাম কৰিছিলো, উন্নত ব্যৱসায়ৰ বাবে কাম কৰিছিলো । আপোনালোকে সকলোৱে জানে যে মই এজন যুঁজাৰু ।”
তেওঁ লগতে কয় যে , “২০১৫ চনত মই প্ৰধানমন্ত্ৰী হোৱাৰ পিছৰে পৰা কানাডা আৰু ইয়াৰ স্বাৰ্থ ৰক্ষাৰ বাবে কাম কৰিছো । মই মধ্যবিত্ত শ্ৰেণীক শক্তিশালী কৰাৰ বাবে কাম কৰিছো । মই দেখা মহামাৰীৰ সময়ত দেশখনক ইজনে সিজনক সমৰ্থন কৰাত সহায় কৰিছো ।”
২৪ মাৰ্চলৈ সংসদ স্থগিত ৰখাৰ আহ্বান জনাই তেওঁ কয়, “পৰৱৰ্তী নিৰ্বাচনত দেশখনক উন্নত পছন্দৰ প্ৰয়োজন আৰু যদি তেওঁলোকে আভ্যন্তৰীণ যুদ্ধ অব্যাহত ৰাখিছে, তেন্তে কানাডাৰ বেলটত থকা লোকসকলৰ বাবে তেওঁলোক হয়তো সৰ্বোত্তম বিকল্প নহ’বও পাৰে ।”
এই সময়ত ট্ৰুডোৱে প্ৰধানমন্ত্ৰী হিচাপে তেওঁৰ সাফল্যৰ কথাও উল্লেখ কৰে । ২০১৫ চনত ক্ষমতা দখল কৰাৰ সময়তকৈ কানাডাৰ পৰিস্থিতি ভাল বুলিও তেওঁ কয় ।
লগতে পঢ়ক :Delhi Assembly Elections 2025: আজি ঘোষণা হ’ব পাৰে দিল্লী বিধানসভা নিৰ্বাচনৰ দিন