নিউজ ডেস্ক, ২৬ আগষ্ট : প্ৰায়ে সামাজিক মাধ্যমত বহি:ৰাজ্যত অসমীয়া যুৱক নৃশংসতাৰ বলি হোৱা পৰিলক্ষিত হয়।
পুনৰ এইবাৰ হাইদৰাবাদত (Hyderabad) নৃশংসতাৰ বলি অসমীয়া যুৱক। পেট্ৰল ঢালি জ্বলাই দিলে অসমীয়া যুৱকক।
মৃত যুৱকজনক শিৱসাগৰৰ ইজাজ হুছেইন বুলি চিনাক্ত কৰা হৈছে।
খবৰ অনুসৰি, হাইদৰাবাদৰ এখন চিকিৎসালয়ত চিকিউৰিটী গাৰ্ড হিচাপে কৰ্মৰত আছিল ইজাজ।
২০ আগষ্টত চনু আৰু জন নামৰ ২ যুৱকে পেট্ৰল ঢালি জ্বলাই দিয়াৰ অভিযোগ উত্থাপিত হৈছে।
চিকিৎসাধীন হৈ থকা অৱস্থাত বৃহস্পতিবাৰে মৃত্যু হয় ইজাজ হুছেইন নামৰ যুৱজনৰ।
