অমিত শ্বাহে অৰুণাচল প্ৰদেশলৈ দুদিনীয়া ভ্ৰমণ আৰম্ভ কৰিছে। প্ৰথম দিনটোতে শনিবাৰে অৰুণাচল প্ৰদেশৰ টিৰাপ জিলাৰ নৰোত্তম নগৰত ৰামকৃষ্ণ মিছনৰ সোণালী জয়ন্তী উদযাপনত অংশ লব।
কেন্দ্ৰীয় গৃহমন্ত্ৰী অমিত শ্বাহে শনিবাৰে বিভিন্ন কাৰ্যসূচীত অংশগ্ৰহণ আৰু বহু উন্নয়নমূলক প্ৰকল্প উদ্বোধন কৰিবৰ বাবে অৰুণাচল প্ৰদেশলৈ দুদিনীয়া ভ্ৰমণ কায্যসূচী হাতত লৈছে।
দিল্লী এৰি যোৱাৰ পিছত শ্বাহে টুইট কৰিছিল “দুদিনীয়া ভ্ৰমণত অৰুণাচল প্ৰদেশলৈ ৰাওনা হৈছো। ভাৰতৰ এই সুন্দৰ অংশত বিভিন্ন কাৰ্যসূচীত অংশগ্ৰহণ ৰখাৰ বাবে অপেক্ষা কৰি আছো,” ।
উত্তৰ-পূবৰ ৰাজ্যখনলৈ দুদিনীয়া ভ্ৰমণকালত গৃহমন্ত্ৰীয়ে ৰাজহুৱা অনুষ্ঠানত অংশগ্ৰহণ কৰিব, বিভিন্ন উন্নয়নমূলক প্ৰকল্প উদ্বোধন কৰিব আৰু সীমান্ত ৰক্ষা আৰু দেশৰ আভ্যন্তৰীণ নিৰাপত্তা বজাই ৰখাৰ বাবে অঞ্চলটোত নিয়োজিত গৃহ মন্ত্ৰালয়ৰ অধীনৰ কেন্দ্ৰীয় সশস্ত্ৰ আৰক্ষী বাহিনী- ইণ্ডো-তিব্বত সীমান্ত আৰক্ষী (আইটিবিপি) আৰু সশস্ত্ৰ সীমা বল (এছএছবি)ৰ কৰ্মচাৰীসকলৰ সৈতে বাৰ্তালাপ কৰিব।
গৃহমন্ত্ৰীগৰাকীয়ে আজি (শনিবাৰে) ৰাজ্যখন ভ্ৰমণৰ প্ৰথম দিনটোত অৰুণাচল প্ৰদেশৰ তিৰাপ জিলাৰ নৰোত্তম নগৰত ৰামকৃষ্ণ মিছনৰ সোণালী জয়ন্তী উদযাপনত অংশগ্ৰহণ কৰাৰ কথা আছে।
গৃহমন্ত্ৰীয়ে পিছত দিনটোৰ প্ৰায় ২.৩০ বজাত অৰুণাচল প্ৰদেশৰ লোহিত জিলাৰ পৰশুৰাম কুণ্ডত ভগৱান পৰশুৰামৰ ৫১ ফুট ব্ৰঞ্জৰ মূৰ্তিৰ আধাৰশিলা স্থাপন কৰিব।
দ্বিতীয় দিনা শ্বাহে অৰুণাচল প্ৰদেশৰ নামচাই চহৰত পুৱা ৯.৩০ বজাত সামাজিক সংগঠনসমূহৰ সৈতে সাক্ষাৎ কৰিব আৰু পিছত অঞ্চলটোৰ সোণালী পেগোডা মন্দিৰত প্ৰাৰ্থনা কৰিবলৈ যাব।
গৃহমন্ত্ৰীয়ে পিছত এখন ৰাজহুৱা সভাত অংশগ্ৰহণ কৰিব আৰু দেওবাৰে পুৱা ১১ বজাত নামচাই অঞ্চলত বিভিন্ন উন্নয়নমূলক প্ৰকল্পউদ্বোধন কৰিব।
গৃহমন্ত্ৰীয়ে পিছত এখন ৰাজহুৱা সভাত অংশগ্ৰহণ কৰিব আৰু দেওবাৰে পুৱা ১১ বজাত নামচাই অঞ্চলত বিভিন্ন উন্নয়নমূলক প্ৰকল্প উদ্বোধন কৰিব।
দিনটোৰ পিছত শ্বাহে নিৰাপত্তা আৰু উন্নয়নৰ পৰ্যালোচনা কৰিব আৰু নামচাইত সেনা, আইটিবিপি, এছএছবি, অসম ৰাইফলছ, সীমান্ত পথ সংস্থা আৰু ৰাষ্ট্ৰীয় ঘাইপথ আন্তঃগাঁথনি উন্নয়ন নিগম লিমিটেড (এনএইচআইডিএলচি)ৰ কৰ্মচাৰীৰ সৈতে বাৰ্তালাপ কৰিব।
তেওঁ বদা খানাতো অংশগ্ৰহণ কৰিব। বদা খানা হৈছে এক সামূহিক ভোজ য’ত সকলো পৰ্যায়ৰ সেনা জোৱান আৰু চিএপিএফ সৈন্যই একেলগে খায়।