ৰাজপথত নহয় মাজ আকাশত ভয়ংকৰ দুর্ঘটনা । দুখন বিমানৰ মুখামুখি সংঘর্ষত নিহত হৈছে ৫জনকৈ লোক। মাজ আকাশত দুই বিমানৰ মুখামুখি সংঘর্ষৰ এই ঘটনা সংঘটিত হৈছে লোশ নামে ফ্ৰান্সৰ চহৰখনৰ পৰা ৬২ মাইল নিলগত। এখন মাইক্ৰলাইট বিমানৰ সৈতে এখন সৰু যাত্ৰীবাহী বিমান মাজ আকাশতে খুন্দা খোৱাৰ ফলত এই কৰুণ দুর্ঘটনাটো সংঘটিত হয়। মাইক্ৰলাইট বিমানখনত আছিল দুজন আৰু যাত্ৰীবাহী DA40 বিমানখনত আছিল ৩জন যাত্ৰী। দুই বিমানৰ ৫ যাত্ৰীয়ে মৃত্যু মুখত পৰে৷ দুর্ঘটনাৰ পাছত সংঘটিত হয় অগ্নিকাণ্ড। সেই জুই নুমুৱাবলৈ জপিয়াই পৰে ৫০জন অগ্নিনির্বাপকবাহিনীৰ লোক। কেইবা ঘণ্টা যোৰাৰ চেষ্টাৰ অন্ততহে নির্বাপিত হয় জুই। দুর্ঘটনাত নিহতসকলৰ পৰিচয় এতিয়াও উদ্ধাৰ হোৱা নাই। জানিবপৰা মতে পয়টিয়াৰচ নামৰ চহৰখনৰ পৰা উৰা মৰাৰ পূর্বেও যাত্ৰীবাহী বিমানখনৰ দুর্ঘটনা হৈছিল।
