নিউজ ডেস্ক: অসম ক্ৰিকেট সন্থাৰ সম্পাদক দেৱজিৎ শইকীয়াই মঙলবাৰে বিচিচিআইৰ আগন্তুক নিৰ্বাচনৰ বাবে মনোনয়ন দাখিল কৰিলে।
বিচিচিআইৰ যুটীয়া সচিব পদৰ বাবে মনোনয়ন দাখিল কৰিছিল অসম ক্ৰিকেট সন্থাৰ সম্পাদক দেৱজিৎ শইকীয়াই ।
উল্লেখযোগ্য যে বিচিচিআইৰ নিৰ্বাচনৰ ফলাফল অহা ১৮ অক্টোবৰত ঘোষণা কৰা হ’ব।
ইফালে, যদি অসম ক্ৰিকেট সন্থাৰ সম্পাদক দেৱজিৎ শইকীয়া বিচিচিআইত যুটীয়া সচিব পদৰ বাবে নিৰ্বাচিত হয় তেতিয়া ত্ৰিদীপ কোঁৱৰ অসম ক্ৰিকেট সন্থাৰ সচিব হোৱাৰ সম্ভাৱনা থাকিব, আৰু যদি এনে হয় তেন্তে অসম ক্ৰিকেট সন্থাৰ সচিবৰ পদ খালী থাকিব।
তদুপৰি, প্ৰাক্তন ভাৰতীয় ক্ৰিকেটাৰ তথা ১৯৮৩ চনৰ বিশ্বকাপ বিজয়ী দলৰ সদস্য ৰজাৰ বিন্নী বৰ্তমানৰ সভাপতি সৌৰভ গাংগুলীৰ ঠাইত বিচিচিআইৰ পৰৱৰ্তী সভাপতি হোৱাৰ সম্ভাৱনা আছে, আনহাতে ভাৰতীয় ক্ৰিকেট নিয়ন্ত্ৰণ ব’ৰ্ডৰ সূত্ৰ অনুসৰি বিজেপি বিধায়ক আশীষ শ্বেলাৰ অৰুণ ধুমলৰ ঠাইত কোষাধ্যক্ষ হোৱাৰ সম্ভাৱনা আছে।
অৱশ্যে কেন্দ্ৰীয় গৃহমন্ত্ৰী অমিত শ্বাহৰ পুত্ৰ জয় শ্বাহে বিচিচিআইৰ সচিব হিচাপে নিজৰ কাৰ্য্যকাল বৰ্তাই ৰাখিব।