নিউজ ডেস্ক,১০ এপ্ৰিলঃ গোৱালপাৰাৰ ডেকঢোৱাত এক শোকাৱহ দুৰ্ঘটনা সংঘটিত হয় । জলজলী নদীত মাছ ধৰিবলৈ গৈ মৃত্যুক সাৱটিলে ৯ বছৰীয়া শ্বৰীফে।মৃত্যু হোৱা শিশুটিৰ নাম শ্বৰীফ উদ্দিন বুলি জানিব পৰা গৈছে।
উল্লেখযোগ্য যে ,পুৱা শিশুটি নিজৰ ভ্ৰাতৃৰ সৈতে ঘৰৰ ওচৰতে থকা জলজলী আৰু জিনাৰী নদীৰ সংগমস্থলীত মাছ ধৰিবলৈ গৈ সংঘটিত হয় এই শোকাৱহ ঘটনা ।
Related Posts
মাছ ধৰিবলৈ গৈ হঠাৎ ভৰি পিছলি পানীত পৰি সন্ধানহীন হয় শ্বৰীফ নামৰ শিশুটি। সন্ধানহীনৰ খবৰ পাই আৰক্ষী আৰু এছ ডি আৰ এফ ঘটনাস্থলত উপস্থিত হৈ উদ্ধাৰ অভিযান আৰম্ভ কৰে।
প্ৰায় চাৰি ঘণ্টা সময় উদ্ধাৰ অভিযান চলোৱাৰ পিছত এছ ডি আৰ এফে শিশুটিৰ মৃতদেহ উদ্ধাৰ কৰিবলৈ সক্ষম হয়। বৰ্তমান পৰ্যন্ত এই ঘটনাই অঞ্চলজুৰি শোকৰ ছাঁ পেলাইছে।