Senior Student Killed Sixth grade student : ১৩ বছৰীয়া কিশোৰক হত্যা কৰে ১৬ বছৰীয়া কিশোৰে
নিউজ ডেস্ক, ৩ জুন : ৰাজপথতে ছাতিৰে মৰিয়াই হত্যা কৰিলে ১৬ বছৰীয়া কিশোৰে ১৩ বছৰীয়া কিশোৰক । দুয়োজন চৰকাৰী ল’ৰা বিদ্যালয়ৰ ১৩ বছৰীয়া ষষ্ঠ শ্ৰেণীৰ ছাত্ৰ ৰাজ দাস আৰু একেখন বিদ্যালয়ৰ ১৬ বছৰীয়া সপ্তম শ্ৰেণীৰ ছাত্ৰ বিহান দাস ওৰফে জিতু বুলি জানিব পৰা গৈছে ।
শনিবাৰে শিলচৰৰ কালিবাৰী চোৰ অঞ্চলত সংঘটিত হয় এই ঘটনা । জানিব পৰা মতে এখন ফুটবল খেলক লৈ দুয়োৰে মাজত সংঘটিত হৈছিল কাজিয়া সূত্ৰপাত । ফলত ছাতিৰে আক্ৰমণ কৰি ছাত্ৰই ষষ্ঠ শ্রেণীৰ স্কুলৰ সহপাঠী ৰাজ দাসক হত্যা কৰে ।
ৰাজ দাসৰ মাতৃয়ে জনোৱা অনুসৰি শুকুৰবাৰে নিশা প্ৰায় 8:00 বজাত, তেওঁক চুবুৰীয়াসকলে তেওঁৰ পুত্ৰৰ ওপৰত হোৱা আক্ৰমণৰ বিষয়ে অৱগত কৰিছিল । মাতৃয়ে লৰালৰিকৈ গৈ দেখে যে যুঁজখন শেষ হৈছে যদিও ল’ৰাটোৰ মূৰ আৰু ওঁঠ ফুলি উঠিছিল । মাতৃয়ে ঘাঁবোৰ ভাল হ’ৰ বাবে হালধীৰে চিকিৎসা কৰে । শনিবাৰে পুৱা মাতৃয়ে পুনৰ পুত্ৰক হলধীৰে ঘাঁবোৰ ঘহি দিয়ে । ৰাতিপুৱা তেওঁ ল’ৰাক স্কুলত থবলৈ যায় কাৰণ তেওঁৰ ওপৰত আকৌ আক্ৰমণ হ’ব পাৰে ।
খবৰ অনুসৰি দুপৰীয়া ১২:০০ বজাত ছাত্ৰজনক পুনৰ আক্ৰমণ কৰা হয় । ঘটনা সংঘটিত কৰি ঘটনাস্থলীৰ পৰা পলায়ন কৰে কিশোৰজনে ।
ৰাজ দাসক ততাতৈয়াকৈ শিলচৰ মেডিকেল কলেজ এণ্ড হস্পিতাললৈ লৈ যোৱা হয় যদিও চিকিৎসকে তেওঁক মৃত বুলি ঘোষণা কৰে ৷ পৰিয়ালৰ অভিযোগ অনুসৰি ৰাজ দাসক ছাতিৰে মুৰত আঘাত কৰা হৈছিল যিটো ছালৰ মাজেৰে বিন্ধি গৈছিল আৰু তেওঁৰ শৰীৰৰ একাধিক দাগত ফ্লেছ হৈছিল । তেওঁৰ মূৰত গুৰুতৰ আঘাতপ্ৰাপ্ত হোৱাৰ বাবে ১৩ বছৰীয়া শিশুটি মৃত্যুবৰণ কৰে ।
পৰৱৰ্তী সময়ত আৰক্ষীয়ে বিহান দাসক কৰায়ত্ত কৰে আৰু তদন্ত আৰম্ভ কৰিছে ।
লগতে পঢ়ক : Road Accident in Silchar : ভয়ংকৰ দুৰ্ঘটনাত প্ৰাণ গ’ল তিনিজন যুৱকৰ