ডিজিটেল ডেস্ক:- দুধনৈৰ ফফলত ভয়ংকৰ পথ দুৰ্ঘটনা।দুধনৈৰ ফফলৰ ১৭নং ৰাষ্ট্ৰীয় ঘাইপথত ট্ৰাক আৰু কুইড বাহনৰ মাজত সংঘটিত হয় সংঘৰ্ষ৷ পুৱতিনিশা সংঘটিত হোৱা দুৰ্ঘটনাটোত তিনিজন লোক থিতাতে নিহত হয় আৰু এগৰাকী কিশোৰ আৰু এগৰাকী মহিলা গুৰুতৰভাৱে আহত হয়৷
গুৱাহাটীৰ পৰা গোৱালপাৰা অভিমুখে আহি থকা AS-19C-3234 নম্বৰৰ মালবাহী ট্ৰাকৰ পিছফালে তীব্ৰ গতিত খুন্দা মাৰে AS-01DX-2353 নম্বৰৰ কুইড বাহনখনে৷ ফলত কুইড বাহনখন চূৰ্ণ-বিচূৰ্ণ হৈ পৰে আৰু বাহনৰ ভিতৰত থকা চালকসহ তিনিজন লোক থিতাতে নিহত হয় আৰু গুৰুতৰভাৱে আহত হয় দুজন৷ঘটনাস্থলীত আৰক্ষীৰ লোক উপস্থিত হৈ আহত এজন কিশোৰ আৰু এগৰাকী মহিলাক অতি সংকটজনক অৱস্থাত উদ্ধাৰ কৰি দুধনৈ চিকিৎসালয়লৈ প্ৰেৰণ কৰে যদিও চিকিৎসকে উন্নত চিকিৎসাৰ বাবে গুৱাহাটীলৈ প্ৰেৰণ কৰে৷দুৰ্ঘটনাত নিহতসকল ক্ৰমে মানকাচাৰৰ আনাৰুল ইছলাম (৩৯), নুৰ ইছলাম (৬০) আৰু গুৱাহাটী ভাস্কৰ নগৰৰ বিকি বৈশ্য (১৯) ৷ আনহাতে আহত কলেমা খাতুন (৪৫) আৰু মুক্তাৰ হুছেইন (১২) বুলি আৰক্ষীয়ে চিনাক্ত কৰিছে৷