নিউজ ডেস্ক, ১ মাৰ্চ : ১ মাৰ্চ ২০২২ তাৰিখৰ পৰা ৰাজ্যিক মালিকানাধীন তেল বিপণন কোম্পানীবোৰে কাৰ্যকৰী হোৱাকৈ এলপিজি চিলিণ্ডাৰৰ মূল্য বৃদ্ধি কৰিছে। দিল্লীত বাণিজ্যিক এলপিজি চিলিণ্ডাৰৰ মূল্য ১ মাৰ্চৰ পৰা ১০৫ টকা বৃদ্ধি হৈ ২,০১২ টকা হৈছে।
দিল্লীত ১৯ কিলোগ্ৰাম বাণিজ্যিক এলপিজি চিলিণ্ডাৰৰ মূল্য ১০৫ টকা বৃদ্ধি কৰিছে ৰাষ্ট্ৰীয় তেল বিপণন কোম্পানীয়ে । নতুন মূল্যবোৰ আজিৰ পৰা ধাৰ্য হোৱাৰ পিছতেই হোটেল-ৰেষ্টুৰেণ্টৰ আৰু গ্ৰাহকসকলৰ মাজত বিশেষ প্ৰভাৱ পৰা দেখিবলৈ পোৱা যাব । ফেব্ৰুৱাৰী ১ ত বাণিজ্যিক এলপিজি চিলিণ্ডাৰৰ মূল্য হ্ৰাস কৰিছিল ৯১.৫০ টকালৈ ।
ৰাজ্যিক মালিকানাধীন তেল কোম্পানীবোৰেও প্ৰতিটো ৫ কিলোগ্ৰাম সৰু এলপিজি চিলিণ্ডাৰৰ মূল্য বৃদ্ধি কৰিছে। দিল্লীত, ৫ কিলোগ্ৰাম এলপিজি চিলিণ্ডাৰ এতিয়া ২৭ টকা ব্যয়বহুল হৈ পৰিছে। ইতিমধ্যে, কোম্পানীবোৰে ঘৰুৱা এলপিজি চিলিণ্ডাৰৰ মূল্যত কোনো পৰিৱৰ্তন কৰা নাই।