আজি বিশিষ্ট চিনে-সাংবাদিক আৰু লেখক পবিত্ৰ কুমাৰ ডেকাৰ স্মৃতিত প্ৰদান কৰি অহা ৰূপকাৰ বঁটা সমূহ প্ৰদান কৰা হয়৷ ২০২১-২২ বৰ্ষত থিয়েটাৰ আৰু চলচ্চিত্ৰৰ অভিনেতা প্ৰাঞ্জল ডেকা আৰু চলচ্চিত্ৰ নিৰ্মাতা মৃদুল গুপ্তাক ৰূপকাৰ বঁটা এক আড়ম্বৰপূৰ্ণ অনুষ্ঠানত প্ৰদান কৰা হয়। বঁটা ৰাজ্যখনৰ বিশিষ্ট সাহিত্যিক আৰু অসমীয়া প্ৰতিদিনৰ প্ৰাক্তন সম্পাদক নিত্য বৰাই প্ৰদান কৰে। পবিত্ৰ কুমাৰ ডেকা অসমৰ সংস্কৃতি আৰু সাহিত্যলৈ গুৰুত্বপূৰ্ণ অৱদান আগবঢ়োৱা বুলি কয় নিত্য বৰাই। আনহাতে, চলচ্চিত্ৰ সম্পৰ্কীয় বিভিন্ন বিষয়ৰ ওপৰত বিস্তৃতভাৱে লিখাৰ লগতে কেইবাজনো উচ্চাকাংক্ষী সাংবাদিকৰ কেৰিয়াৰ গঢ়াত অনুপ্ৰেৰণা আৰু পৰামৰ্শ দিয়া বুলিও কয় বৰাই।
পবিত্ৰ কুমাৰ ডেকাই চলচ্চিত্ৰ প্ৰচাৰৰ ধাৰণা আৰু চিনেমাৰ প্ৰতি ব্যাপক আকৰ্ষণত সহায় কৰিছিল। স্বামী প্ৰাঞ্জল ডেকাৰ হৈ এই বঁটা গ্ৰহণ কৰে পূৰ্ণিমা পাঠক ডেকাই। মৃদুল গুপ্তাই এই সন্মান জনোৱাৰ বাবে আয়োজকসকলক ধন্যবাদ জনায়। কাৰ্যসূচীত হেমন্ত কুমাৰ দাস, জীতুমণি বৰা, বিদ্যুৎ কুমাৰ ভূঞা, জনাৰ্দন গোস্বামী, ইমন চৌধুৰী, সৰোজ মেধি, ৰাণা ডেকা আৰু নন্দন ডেকাক উপস্থিত থাকে৷