জম্মু-কাশ্মীৰৰ পুলৱামাত নিৰাপত্তাৰক্ষী আৰু সন্ত্ৰাসবাদীৰ মাজত সংঘর্ষ: ৩ জন সন্ত্ৰাসবাদী নিহত

 নিউজ ডেস্কঃ কাশ্মীৰ জোন আৰক্ষীয়ে জনোৱা অনুসৰি বুধবাৰে পুৱতি নিশা জম্মু-কাশ্মীৰৰ পুলৱামা জিলাৰ চান্দগাম অঞ্চলত নিৰাপত্তাৰক্ষী আৰু সন্ত্ৰাসবাদীৰ মাজত সংঘর্ষ সংঘটিত হয়।

নিৰাপত্তাৰক্ষীয়ে অঞ্চলটোত দুজন সন্ত্ৰাসবাদীৰ উপস্থিতিৰ বিষয়ে নিৰ্দিষ্ট তথ্য পোৱাৰ পিছত অনুসন্ধান অভিযান আৰম্ভ কৰে যিটো এনকাউন্টাৰলৈ পৰিণত হয়।

আৰক্ষীয়ে জনাইছে যে বুধবাৰে জম্মু-কাশ্মীৰৰ পুলৱামা জিলাত নিৰাপত্তাৰক্ষীৰ সৈতে হোৱা সংঘর্ষত এজন পাকিস্তানী নাগৰিকসহ তিনিজন জৈশ-ই-মহম্মদৰ উগ্ৰপন্থী নিহত হয়।